Кон новото

Понекогаш посакувам
како змија да си ја соблечам кожата
и да продолжам без тебе.

Тага

Во џебот имам слика,
во душата тага,
и срце уморно.

Петок

Ми донесе глас, птица, ветер,
... што ли беше?
Ме разбуди, а не сакав будна да бидам.

Тоа лето

Беше желба. Неисполнета.
Сон на облакот, сон на тагата.
Летото порано заврши.

Огледало

Во ноќта небо без ѕвезди.
Во очи солзи.
Месечината огледало, распарчено.